[122] EPISTOLA XXII.

IUSTUS LIPSIUS

IOANNI HEURNIO.

Magnifice Domine Rector,

Peto uti velis negotium dare D. VULCANIO Secretario scribendi scedulam immunitatis pro D. PLANTINO membro & Typographo Universitatis, qua immunis sit in advectione supellectilium, vestium, &c. ex legibus & privilegiis Universitatis. Concipi ita debet formula ut valeat in futurum & in praeteritum. Id ut fiat intra horam aut alteram necessarium est ob subitum discessum nautae. Si placet Magnif. T. mittat ad VULCANIUM per hunc ipsum puerum.